Poul Poulsen Nolsøe (1766-1809)

Poul Nolsøe (ella Páll Pálsson Nolsøe), vanliga nevndur Nólsoyar Páll, varð borin í heim í Nólsoy í 1766, sum fjórði sonur teirra Páls í Garði og Súsonnu Djónadóttur. Har lærdi hann, saman við brøðrum sínum, at lesa og skriva. Páll kom í læru á skrivstovuna hjá Hammershaimb fúta í Tórshavn. Harafturat lærdi hann siglingarfrøði hjá Mads Winther, bókhaldara í Kongaliga handlinum. Páll fór út at sigla fyri einahandilin. Hann segðist m.a. at hava veri í Fraklandi í kollveltingartíðini, í Onglandi og Portugal. Páll kom heim í 1778 og giftist við Siggu Mariu Tummasdóttur úr Nólsoy, men hon doyr í 1800. Árið eftir giftist hann upp aftur við Maren (Marin) Malenu Ziska, av Norðoyri, og festi garð úti á Oyri í Borðoynni.
Í 1804 keypir Nólsoyar Páll eitt strandað skip á sølutingi í Suðuroy og úr leivdunum byggir hann á Fløtuni Fríðu í Vági saman við øðrum monnum Føroya fyrsta deksfar í nýggjari tíð „Royndina fríðu“. Við hesum fari siglir hann so við farmi millum Danmark og Føroyar. Hetta eru ófriðartíðir, kríggj er millum Bretland og Danmark. Á einari av ferðum sínum verður „Royndin“ tikin av bretum og ferst. Páll leitar tá til London við kravi um at fáa nýtt skip. Hann fær játtandi svar, men á ferðini til Føroya við hesum nýggja skipi, hetta er í 1809, hvørvur Páll og spurdist ikki aftur.
Nólsoyar Páll yrkti tíggju yrkingar men ongin skrivað yrking er til frá hansara hond. Hann gjørdi kvæðini til samtíðarskaldskap.
(Keldur: Snar.fo & Marnersdóttir, Malan & Sigurðardóttir, Turið (ritstj.). (2011). Føroysk bókmentasøga 1. Nám).


Privacy Overview

This website uses cookies so that we can provide you with the best user experience possible. Cookie information is stored in your browser and performs functions such as recognising you when you return to our website and helping our team to understand which sections of the website you find most interesting and useful.