Jens Chr. Djurhuus (1773-1853)

Jens Christian Djurhuus, sum var bóndi við Sjógv í Kollafirði og tí ofta nevndur Sjóvarbóndin, var virkin yrkjari í fyrru helvt av 19. øld. Romantisku eyðkennini í hansara yrking vóru, at hann yrkti við støði í søgu og í kvæðastíli. Harafturat tók hann upp tilfar úr enskum 17. aldar bókmentum eftir John Milton, tá hann yrkti „Púkaljóm“. Hann gjørdi væl og virðiliga var við, hvørji kvæði hann hevði yrkt, og skrivaði sjálvur summi av teim niður.
(Marnersdóttir, Malan & Sigurðardóttir, Turið. (2011). Føroysk bókmentasøga 1. Nám).