Um HandRit
Heimasíðan HandRit.fo er skrá yvir føroysk handrit, eldri bøkur og smárit, sum eru talgildað á Landsbókasavninum. Landsbókasavnið umsitur HandRit.fo, og heimasíðan varð gjørd almenn í mai 2016. Hon varð síðani dagførd í 2023-2025.
HandRit gevur atgongd til eitt breitt úrval av tilfari, frá ymiskum tíðarskeiðum og við fjølbroyttum innihaldi. Her eru at finna kvæði, tekningar, ferðafrásagnir, brøv, søgur og mangt annað. Møguligt er at reika á síðuni eftir evnisbólkum.
Spurningar og viðmerkingar um verkætlanina ella innihaldið á heimasíðuni kunnu sendast til handrit(att)lbs.fo
Handritasavnið á Landsbókasavninum tekur ímóti og varðveitir nýggj og gomul handrit og privatskjøl. Øll eru vælkomin at lata okkum síni handrit.
Les meira um keldutilvísingar og upphavsrætt
Vís til keldur, har tað er hóskandi
Vinaliga vís til høvundar ella upphavsfólk, tá ið tú brúkar verk, sum er í almennari ogn. Vinaliga vís eisini til Landsbókasavnið, tá ið víst er til tilfar úr handritasavninum. Dømi um keldutilvísing: E 19. Simonsen, Símun: Privatskjalasavn. Varðveitsla: Landsbókasavnið. Handritasavn. J.C. Svabos gøta 16, 100 Tórshavn.
Verj umdømi hjá upphavsfólki og útvegara
Tá ið tú umskrivar ella broytir tilfar í almannari ogn, skalt tú ikki tilogna upphavsfólki ella útvegara broytingarnar. Navn ella eyðkennismerki hjá upphavsfólki ella útvegara skulu ikki nýtast til at stuðla tí broytta verkinum ella nýtslu av tí, uttan samtykki frá viðkomandi.
Virðið tað upphavliga tilfarið
Gevið gætur ikki at brúka verk í almennari ogn á nakran hátt, sum er ólógligur og villleiðandi. Um tú broytir og miðlar víðari verk í almennari ogn, skulu allar broytingar í upprunaliga verkinum vera sjónliga vístar. Tú skalt greidliga merkja verkið á ein slíkan hátt, sum vísir, at tú hevur gjørt broytingar, so at aðrir brúkarar vita, hvør tað var, sum gjørdi broytingarnar.
Virð upphavsfólkið
Um upphavsfólkið ella útvegari tess vegna, hevur biðið um, at verk í almannari ogn ikki skal broytast, ella at tað bert skal nýtast á ávísan hátt, skalt tú vinaliga virða teirra ynski.
Deil vitan
Um tú nýtir verk í almennari ogn til at gera nýggj verk, ella um tú hevur ískoytisupplýsingar um verkið (t.d. hvar tað kemur frá, hvør høvundurin er, innihald ella annan møguligan rættindahavara), vinaliga sig øðrum frá tíni tíni vitan. Tað kann fevna um at frámerkja (tagga), viðmerkja ella at koma við tilvísingum til verk í almeannari ogn, sum er útgivið á netinum og senda hesar upplýsingar til Landsbókasavnið.
Ver mentanarliga umhugsin
Um verkið inniheldur mentanarliga viðkvæmar tættir skalt tú ikki broyta ella nýta hesa á ein hátt, sum kann vera niðrandi fyri aðrar mentanir ella samfeløg.
Stuðla royndir til at ríka tilfarið í almannari ogn
Nýtarar av tilfari í almennari ogn verða bidnir um at stuðla stovnum ella felagsskapum, sum arbeiða við at verja og miðla mentanar- og vísindasiðaarv, herundir taka sær av at varðveita, talgilda og gera tilfar í almennari ogn lætt atkomiligt. Hesin stuðul kann fevna um peningastyrk ella annað tilskot, serstakliga um tilfarið verður nýtt til vinnuligt endamál ella við vinningi fyri eyga, og veitarin av tilfarinum er almennur ella ikki-vinnuligur stovnur ella felagsskapur.
Varðveit merki og fráboðanir um almanna ogn
Nýtarar av tilfari í almannari ogn skulu ikki strika merki ella fráboðanir, sum eyðmerkja verk í almennari ogn, ella geva villleiðandi upplýsingar um, hvørjum upphavsrætti tilfarið er fevnt av.