Jakob Jakobsen (1864-1918)

Jakob Jakobsen varð borin í heim í Tórshavn í 1864. Foreldur hansara vóru Hans Nicolai Jacobsen (1832-1919) bókhandlari og Johanna Maria, fødd Hansdóttir (1816-1899) úr Trøðum á Sandi. Hann átti tvær eldir systrar, Sigrid Niclasen (1854-1927) og Onnu Horsbøl (1856-1940). Faðirin var bókbindari og hevði H. N. Jacobsens bókahandil. Í 1897 fekk Jakob doktaraheitið fyri „Det norrøne sprog på Shetland“. Í 1886-1891 arbeiddi Jakob saman við V. U. Hammershaimb at gera „Færøsk Antologi“. Hansara týdningarmesta íkast til føroyskar bókmentir var „Færøske folkesagn og æventyr“ (1898-1901). Hann hevði ferðast runt og savnað sagnir. Tær høvdu stóran leiklut í at festa nútíðar føroyskt mál í sessi sum skriftmál. Dr. Jakob Jakobsen andaðist 15. august 1918. Hann var bert 52 ár.