CCF 216. Kvæðið byggir beinleiðis á hendingar úr Føroyingasøgu og snýr seg um stríðið millum høvdingarnar tveir í Føroyum: Sigmund Brestisson og Trónd í Gøtu. Tróndur er illur á Sigmund og sendir menn (m.fl. Sjúrða Tollaksson) at áála og drepa hann í húsum sínum á nátt. Sigmundur verjir seg, drepur fleiri av monnum Tróndar, og tá ið húsini verða tendrað, flýr hann á sjógv saman við øðrum. Felagarnir doyggja, men Sigmundur kemur reka til strond í Sandvík. Har verður hann funnin av bóndanum Torgrími, sum drepur og hálshoggur hann fyri gullhringin hansara.
Jens Christian Djurhuus (Sjóvarbóndin) yrkti kvæðið og nevndi tað Sigmunds ríma. (Kelda: Snar.fo).